كـيف تقطعوا مع الجكس بتاعك في 10 خطوات

من طرف **out law** الأربعاء نوفمبر 12, 2008 2:13 pm

كيف تتخلص من الجكس بتاعتك فى 10 خطوات بس (للرجال فقط نظرا لسهولة الموضوع مع البنات):
فى بعض المرات الحنان الزيادة بكتل...

1- اصلو ما تركبها ركشة,المواصلات بس.
2- لازم تتطلع كيس السعوط قدامها حتى لو ما كنت ما بتسف و قوليها (حبك بخلينى افكر كتير)
3- ما تخليها تشوف طعم النوم ,اضرب ليها ابتداء من 12 بليل للصباح (قوليها انك ما بتنوم اللا على صوتها).
4- العزائم و المرقات لازم تكون نص بالنص (قوليها علشان عاوز تعلمها المشاركة لحدى ما تعرسها).
5- لازم تكون بتتزكر اى حاجة مع كل البنات بس هى تدعى النسيان (خاصة اعباد الميلاد و الرومانسيات).
6- لما تكون مع اصحابك قوليها ما تناديك علشان ما تحرجك ,لكن اول ما تقعد هى مع صحباتها طوالى ناديها (قوليها انو ونسة البنات ما عندها موضوع و صحباتها ديل ما كويسات).
7- خلي الشباب ينشروا اشاعة انك خطبو ليك بت عمك.
8- لما تقعدوا سوا براكم ,حاول امسك يدها ..لو قطعتو معاك قوليها انا ما بحب البنات المعقدات.
9-اذا رضت بالكلام ده,طوالى قوليها انا ما بحب البنات الساهلات.

و الممكن يختصر ده كلو ..

10- عاين ليها فى عيونها و قوليها (حبيبتى, انا يسعدنى فى اللحظة دى انى اديك شاكوش عمرك و اقطعوا مع حنانك زاتو,باااااااااااااى).

ممكن برضوا اى زول من الشباب يضيف طرق جديدة هاهاها.