ركن المساطيل

الاعزاء اعضاء وزوار رابطه السودانيين بالدوحه
يسعدنا اليوم ان نقص شريط افتتاح ركن المساطيل
وستجدون في داخله مجموعه لذيذه من المساطيل
متمنيا ان يرسمو الابتسامه على شفاهكم بقفشاتهم ومواقفهم
وطرائفهم وان تسعدوا دوما بحضرتهم فى هذا الركن

ومودتى للجميع

مسطول قال لي صاحبو امشي كان لقيتو سيبو وتعال
وكان ما لقيتو جيبو وتعال
مشي وجاء قال ليه مشيت ما لقيتو جيبتو وجاي
لاقاني في الشارع خليتو وجيت...

مسطول شايل لوح تلج بنقط فيهو ...
قال والله اموت واعرف التلج دا مقدود من وين

مسطول عمل عملية تجميل
وجاء داخل لناس بيتهم قال ليهم:
تصدقوا ما عرفتكم ،،،،،،،،،،،،

مسطول دخل المستشفي
مشى عنبر مرضى السكري
سلم على المرضى قال ليهم وووين يا حلوين

مسطول فى مواصلات جبره
قاعد في الحافلة
جات بت سالتو: وين ؟
قال ليها نحن قاعدين انتو الما ظاهرين

واحد مسطول يضرب فى بوهيه
جاء سيد البيت قال ليهو : ياخي ما تخت تحتك جريده
قام المسطول قال ليو شكرا انا كده لاحق

ادروب سال مسطول :
عيد ضحيه دا عرفنا خروف نضبح
عيد حب دا شنو ؟؟؟؟؟؟
المسطول قال ليهو : خروف نجكس

مسطول يوم عرسو
بعد الناس مشت دخل البيت جوه
لقى العروس قاعدة ،، قال :
انا كنت عارف الناس ديل
مع جوطتهم دى حينسو ليهم زول

مسطول خاتى كبايتين مويه جمبو
واحده فاضيه والتانيه مليااانه مويه
سالو قالو لى ليه ؟؟
قال : عشان إمكن أشرب وإمكن ما أشرب

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح

مسطول سألوه: عملية التجميل بي كم؟؟ قال: والله ............حسب شناتكم

سألوا مسطول عن اكثر شخص صبور قال واحد منتظر نانسي عجرم في قناة اقرأ

مسطول اشتري عربية جديدة وهو سايقها فتح الراديو سمع هنا لندن، قال انعل ابو السرعة ذاتو

مسطول بيحكي لصاحبه : الدنيا ما فيها أمان تخيل امبارح جيت أسرق محفظة أبوي لقيت محفظتي في جيبه

استاذ سال طالب مسطول ما معنى كلمة سبيل؟ رد الطالب: طريق..وساله المعلم مره ثانيه وسلسبيل؟ رد عليه الطالب المسطول ... طر.. طريق

مسطول جا جنب يافطة طلمبة اجب طلع قلم وكتب بعدها بلا او نعم

مسطول احوص جوا يشنقوهو سألوه: امنيتك شنو ؟ قال: اشوف نفر واحد بس

مسطول سالوه رايك شنو فى المراة العصرية ؟ قال ليهم ما تخلوها تمغرب شوية

مسطول في المدرسة سمع الاستاذ بقول المثابرة تولّد النجاح قال لى زميلوا : مــــــــتين هي المثابرة بقت دايه؟؟

واحد مسطول قاعد جنب ابوهو الاب قال لي ولدو يا ولد جيب لي مويه اشرب الولد ابي وعمل مصهين المسطول قال لي ابوه ده ولد قليل ادب امشي اشرب وجيب لي معاك يا ابوي

اتنين مساطيل ضربوا ليهم زول بعربية
الراكب جنب السواق نزل يشوف الحاصل شنو
السواق قال ليهو مات؟؟
قال ليهو لا, اكسر يمين شوية
تاني شمال حبة كدة
ارجع ورا شوية
تعال قدام
بسسسسسسسس خلاص مات

مسطول سايق ليو عربية خش في صيوان عرس قتل نص الناس الفيو
ودوهو المخفر الضابط بيستجوب فيو
المسطول قال ليو يا سعادتك ركز معاي عليك الله
افرض وانت سايق, بتاع حافلة قرصك, لو لفيت يمين بتخش في صيوان عرس
لو لفيت شمال بتخبت الحافلة وتقتل الناس الفيها
لو مشيت عديل بتخبت راجل واحد بس, اها تسوي شنو؟
الضابط قال ليو: باخبت الراجل طبعا.
المسطول قال ليو: انا برضو قلت كدة, لكن هو جرى دخل الصيوان

مسطول لقوه شايل شامبو وبمسح بيهو في بيض جداد
سالوه يا زول بتعمل في شنوو ؟؟؟؟
قال ليهم اصلو دا شامبو مزيل للقشرة

هههههههههههههههههههه يازول اعمل رااايح بس وتسلم على المرور يالزيز يارايق خخخ

يسلموووووووووووووو بت حبوبتها ع المرور الزووق ده

مسطول طلع من الدكتور يتكلم براااهو
تمساح في جردل ؟؟؟!!! لالالالالا
ضفدعة في كباية ؟؟!!!! لالالالا
سمكة في بحر ؟؟!!!!! لالالالا

قام راجع للدكتور تاني ،،،،
قال ليهو : يادكتور انت قلت لي عندك شنووو ؟؟؟؟

الدكتور : عندك سرطان في الحووووووض

مساطيل اتنين بعاينو لى روحن فى المرايه

واحد قال للتانى ارح نسلم على الشباب البعيانو لينا ديل

قالى ااى كلامك صاح ارح ليهم ووقفوا على حيلهم

قام التانى قال ليهو اقعد اقعد الشباب ديل قامو جايين علينا

مسطول ولدو تعب وداهو الدكتور ..
الدكتور قال ليهو : الولد دا شارب لبن مدته منتهية ..
المسطول قال ايوا ولله قبل يومين حبوبتو رضعتو